ciz: 4月 2016

2016年4月7日星期四

〔我的工作〕演唱會化妝

今次黎分享一下我既工作先

好似演唱會呢d咁重要既job
不容有失

我地做化妝師既
其實同dancers , 歌手都一樣
會首先練習同綵排 (經過無數次既練習架)

練習既對象係 ...... 自己塊面
呢種舞台妝 smokey eyes
平時既舞台工作或者magazine既工作等都會成日接觸到
所以好熟悉

仲有小丑妝

今次係我第一次係自己面上面化小丑妝

其實一d都無化丑人啊
感覺仲好得意添
哈哈

上面圖中既係我黎架呢

係咪同平時既我好大分別呢

哈哈

係屋企既時候都無得偷懶
一直不斷練習

為左將工作做得最好

我既經驗之談係
練習得愈多
對妝容愈熟悉
動作就自然更快啦
演唱會後台真係分秒必爭
台上睇緊show果幾分鐘
台底既我地真係同打仗無分別架

我地係台底後台

望上黎係咁既樣既

小不免要集郵一下

Carman既妝係出自我手架

演唱會通常會連續好多日

4點開始到完場

一踏入紅館

工作mood就開始
氣氛都超級緊張

完場可以鬆一口氣

係一件好花體力既工作

不過可以係裡面拎到好大既滿足感 ^^

〔旅遊+美髮〕韓國 Juno hair 變身化身偽韓妹

係韓國街頭見到10個有9個韓妹
都係行氣質系既
充滿光澤感既皮膚
淡淡既妝容
自然既微卷髮
加埋一頭空氣感既瀏海
成個感覺就係 ~~ 韓 !

所以鐘意冒險既我 ( 咁樣形容會唔會誇張左小小呢 haha )
今次要挑戰係韓國salon剪頭髮!!

其實係韓國剪頭髮已經唔係第一次
點解要咁浮誇講到＂冒險　＂呢兩個字呢？
因為上次有個好差既經歷 ....
有機會再跟大家分享

今次選址係地點明洞既 Juno Hair
熟悉韓國既你地應該都知juno hair係間係當地有名既連鎖salon
淨係係明洞都已經有幾家間分店喇

我去既時候都已經係夜晚七點幾
Salon依然好旺埸
話要幫我預約先
等大概大半個個鐘以後再返過黎
上圖果位好靚既女髮型師就是一陣間幫我剪頭髮既髮型師喇

返黎既時候
佢地會比份menu我同朋友
去揀自己鐘意既飲品同小吃
salon既一邊有一張大檯 (圖1右下就係喇)
所有等待中既客人
陪人整頭髮既朋友仔
又或者染緊髮電緊髮既客人都會安排黎呢度休息
睇下雜誌書
飲杯野咁既

講下我點樣同髮型師溝通先
講得上冒險
其中一個原因
係我一丁點韓文都唔識既
我同髮型師會用簡單既英文溝通
但係我覺得
最實際 !
最有效 !
最唔出錯既方法係
圖文並戌 !
(我知道咁樣係有d老土 , 好難為情架啦)
呢個係我出外整頭既經驗之談

我首先會用google的翻譯
由中文翻到韓文 (呢個我估99%既人都識架喇)
但係要留意
記得要copy你翻出黎譯既韓文落黎
再由韓文翻返做中文
睇下翻出來既中文
係咪你當初大概既意思先

你懂的 ...
有時翻譯軟件翻出來既答案可以好好笑
哈哈

同靚女髮型師溝通過後
開始剪囉
髮型師很忙
同一時間要照顧3-4個客人
其他電髮染髮之類
都係助理幫忙做

最後我發現好多韓國人上黎都要指名搵佢
亂打亂撞遇到個好好既髮型師
感覺好幸運啊

雖然髮型師好忙
但係我覺得佢同我溝通好用心
剪頭髮又很有心機
剪左有差唔多大半個鐘頭
同我上一次係韓國剪頭髮既經歷差十萬里遠啊

剪完之後幫我用離子夾
將髮尾輕輕卷曲造型

最後埋單30000won
大約$200港幣
價格好合理吧