相信個個女仔都一樣
視婚禮當日為人生最重要既日子
上至婚禮地點 , 場地佈置
下至婚紗 , 花球都希望充滿夢幻完美
其中最著緊
最緊要就一定係自己個靚樣喇
作為一個化妝師
間中會遇到一d客人對婚禮當日造型會有小小迷網
(尤其係一d平時對化妝無咩研究既女仔)
就等我同大家一齊研究下妝容既部份
遲d再同大家講髮型
韓風下
而家聽客人講得最多既一定係韓妝
究竟韓妝啱唔啱自己？
知己知彼 , 一齊韓妝有咩睇下特點？
(圖片取自網絡)
上圖個個韓妹都靚到dum一聲
我來分享一下韓妝特點咯
*韓妝特點
1. 皮膚光澤感重
2. 平而粗既眉 , 但顏色非常自然 (向無美感既<紫菜眉>說不)
3. 著重上下眼線 , 令眼神突出
4. 令人叮一聲咁精神既唇色 (用色多數比較鮮色)
5. 胭脂效果自然 , 顏色較淡 , 效果似從內而外透出黎既紅潤
6. 自然像真度高 , 而且不誇張的睫毛
睇下<韓妝>啱唔啱你？
1. 光澤感底妝
好 : 晶瑩剔透, 令人感覺神采飛揚 , 皮膚好似剝殼雞蛋咁靚 , 特別適合乾燥皮膚
壞 : 光澤感重既底妝 , 油份較重 ,一般都唔long lasting ,尤其係香港咁潮濕既天氣
如果遇上夏天炎熱天氣 , 能撐上3-4小時已經很好
適合 : 乾性皮膚
不合 : 油性皮膚 , 油性皮膚遇上控油力低的底妝產品 , 更易感覺油光滿面
痘痘肌 / 毛孔粗大 / 有凹凸洞的慎用 , 會將這些問題放大
臉圓圓也要慎用光澤感重的底妝 , 拍攝下反光也會讓臉型看起來放大一點點
2. 平而粗既眉毛
好: 有減齡作用 , 聽不小客人話平眉感覺更年輕 , 感覺親切
壞: 平粗眉唔係人人啱 , 有機會會自暴其短
適合 : 倒三角瓜子臉 , 鵝蛋臉 (呢2種完美臉型基乎百搭)
特別適合長臉型 (視覺上有助看起來臉型會收短)
不合 : 包包面配上平粗眉看起來會更圓潤
方面型 , 令線條感覺看起來更粗獷
3. 眼妝
韓式眼妝一般人人適合 , 只是有些人畫了下眼線後會顯得惡
注意下眼線方面就可以了
4. 較鮮艷唇色
用上配合自己氣質的唇色 , 整個感覺都更突出 , 更精神
基本上人人適合
5. 透亮胭脂
也是人人適合
6. 自然像真度高的睫毛
自從流行韓風後 , 大家都追求自然妝效
同一大片濃濃黑黑既誇張睫毛講byebye , 我係大大力讚成
不知道你認為韓妝適合婚禮上的你嗎？
下一次來分析一下日系妝容囉 :)
